Најчесто ја поврзуваме со истоимениот коктел. Но, легендата за „Крвава Марија“ е стара со векови и нема никаква врска со алкохолното уживање, ноќниот живот или поетската романтичност. Секоја верзија за Марија низ минатото е токму како самата таа - крвава.
Иако најчесто луѓето ќе се залетаат, па веднаш ја поврзуваат со најкрвавата англиска кралица Марија Тудор, секоја приказна за Крвавата Марија треба да се прифати со резерва. Марија Тудор била олицетворение на крволочност и зло заробена во исконски облик. Запаметена останала по тоа што за време на своето владеење го обновила католицизмот во Англија и погубила речиси 300 протестанти. Во историјата е запаметена како најголем англиски тиранин, а треба да се напомене и оти нејзината власт од почетокот била водена според интересите на благородниците кои ја окружувале и низа на погрешни воено-политички чекори што завршиле како неуспешни. Завршила многу трагично, не како тиранин, туку сама, напуштена од својот сопруг, боледувајќи од синдром на лажна бременост, за во 1558 година да умре од рак на јајчник.
Сепак, да прејдеме на вистинскиот хорор, бајки и митови, што зборуваат за вистинската „Крвава Марија“. Според народот, Крвава Марија е дух на девојка која се довикува во полутемен тоалет, со свеќи, изговарајќи го нејзиното име, во зависност од верзијата на приказната, од 3 до 15 пати. Се вртите во круг, првите два пати изговарајќи го името од 4 до 12 пати и последниот пат го кажувате гледајќи директно во огледалото. Страшната приказна вели дека ликот на Марија можете да го видите како со крвави раце ви се доближува од зад грб, заканувајќи ви се дека ќе ви ги извади очите или можеби ќе ве вовлече со себе во огледалото. Е, тоа би било „јако“...
Ако се прашувате кое било девојчето... Наидов на неколку приказни и сите се верзии за насилната смрт на девојчето по име Марија. Некои приказни велат дека се работи за Марија Ворт, девојка која настрадала во сообраќајна несреќа и оттогаш нејзиниот немирен дух ги прогонува оние што ќе ја повикаат. Според други извори, станува збор за вештерка Марија, која живеела во 18 век и која во бес, додека била спалена, ги проколнала сите што ќе го изговорат нејзиното име на сигурна смрт. И на крајот, има приказна што е поткована и со докази дека Марија е девојче од Гринвју и оти таму дури постои и нејзината спомен-куќа, како и гробот.
Крволочниот дел од целава приказна е што, според легендата, Марија е ќерка на лекар од 18 век, кој ја лекувал од заразна и тогаш неизлечлива болест - дифтерија. По смртта на девојката, свесен за можноста на ширење на заразата, бил присилен заедно со сопругата да ја закопа Марија што побрзо, за жал не утврдувајќи ја сѐ уште нејзината сигурна смрт. Тогашните обичаи налагале во сандакот да се спроведе коноп што ќе биде врзан со ѕвоно што било на површината на земјата, во случај да се работи за грешка или, како што тие милувале да кажат, мртвиот има нешто да каже. За жал, во случајот на Марија не било така, ѕвончето не заѕвонело, а кога изутрина ја откопале имале и што да видат - Крвава Марија која ноктите ги оставила на капакот од сандакот, гребејќи да излезе надвор.
Оттогаш шета по светов.
Колку има вистина во која било од овие приказни не знам, но имам одличен совет за вас! Викнете ја Марија, па прашајте ја! Ако смеете!..
Иако најчесто луѓето ќе се залетаат, па веднаш ја поврзуваат со најкрвавата англиска кралица Марија Тудор, секоја приказна за Крвавата Марија треба да се прифати со резерва. Марија Тудор била олицетворение на крволочност и зло заробена во исконски облик. Запаметена останала по тоа што за време на своето владеење го обновила католицизмот во Англија и погубила речиси 300 протестанти. Во историјата е запаметена како најголем англиски тиранин, а треба да се напомене и оти нејзината власт од почетокот била водена според интересите на благородниците кои ја окружувале и низа на погрешни воено-политички чекори што завршиле како неуспешни. Завршила многу трагично, не како тиранин, туку сама, напуштена од својот сопруг, боледувајќи од синдром на лажна бременост, за во 1558 година да умре од рак на јајчник.
Сепак, да прејдеме на вистинскиот хорор, бајки и митови, што зборуваат за вистинската „Крвава Марија“. Според народот, Крвава Марија е дух на девојка која се довикува во полутемен тоалет, со свеќи, изговарајќи го нејзиното име, во зависност од верзијата на приказната, од 3 до 15 пати. Се вртите во круг, првите два пати изговарајќи го името од 4 до 12 пати и последниот пат го кажувате гледајќи директно во огледалото. Страшната приказна вели дека ликот на Марија можете да го видите како со крвави раце ви се доближува од зад грб, заканувајќи ви се дека ќе ви ги извади очите или можеби ќе ве вовлече со себе во огледалото. Е, тоа би било „јако“...
Ако се прашувате кое било девојчето... Наидов на неколку приказни и сите се верзии за насилната смрт на девојчето по име Марија. Некои приказни велат дека се работи за Марија Ворт, девојка која настрадала во сообраќајна несреќа и оттогаш нејзиниот немирен дух ги прогонува оние што ќе ја повикаат. Според други извори, станува збор за вештерка Марија, која живеела во 18 век и која во бес, додека била спалена, ги проколнала сите што ќе го изговорат нејзиното име на сигурна смрт. И на крајот, има приказна што е поткована и со докази дека Марија е девојче од Гринвју и оти таму дури постои и нејзината спомен-куќа, како и гробот.
Крволочниот дел од целава приказна е што, според легендата, Марија е ќерка на лекар од 18 век, кој ја лекувал од заразна и тогаш неизлечлива болест - дифтерија. По смртта на девојката, свесен за можноста на ширење на заразата, бил присилен заедно со сопругата да ја закопа Марија што побрзо, за жал не утврдувајќи ја сѐ уште нејзината сигурна смрт. Тогашните обичаи налагале во сандакот да се спроведе коноп што ќе биде врзан со ѕвоно што било на површината на земјата, во случај да се работи за грешка или, како што тие милувале да кажат, мртвиот има нешто да каже. За жал, во случајот на Марија не било така, ѕвончето не заѕвонело, а кога изутрина ја откопале имале и што да видат - Крвава Марија која ноктите ги оставила на капакот од сандакот, гребејќи да излезе надвор.
Оттогаш шета по светов.
Колку има вистина во која било од овие приказни не знам, но имам одличен совет за вас! Викнете ја Марија, па прашајте ја! Ако смеете!..