Интересен е фактот дека за лицата од машки род има еден поим- во случајов господин. Додека пак кај женскиот пол, имаме два поими- госпоѓа и госпоѓица.
Еднаш порано нешто пребарував баш за ова по интернет и не најдов некое друго објаснување освен дека за тоа е виновна баш брачната состојба.
Како што сите знаеме, правата на жената не многу одамна почнале да се афирмираат и почитуваат. Па поради тоа, мажите биле поафирмирани во општеството, општо биле неколку скалила повисоко (не дека денеска не се омаловажувани жените). А на жените секогаш им била доделувана грижата за семјеството и домот, па според мене, оттука дошле тие два поими- госпоѓа и госпоѓица.
Лично за мене, господин е секој оној кој се однесува достојно за еден "господин", било дали имал функција или не, било дали стои добро финансиски или не. За жал, во денешново општество зборовите како "господин", имаат цел да уважат некој веќе важен човек, дури и во одредени ситуации да се употребува зборот за т.н. "лижење".
Госпоѓата(зборот) за мене многу многу не ми ја означува брачната состојба, туку повеќе е битна зрелоста во размислувањето.
Технички може да се рече дека ако некоја жена е во брак дека е госпоѓа, но самиот збор не ја прави неа госпоѓа, исто како што и зборот "'господин" не ја прави личноста господин.
За поимот "госпоѓица", пак, тука самото име ми асоцира на некоја млада девојка(не мора да е мажена
) која нема повеќе од можеби некои си 25 год.
Не би сакал да бидам осудуван поради тоа што спомнав години погоре. Благодарам.