Би сакала да ви укажам на една тема многу значајна за нас.Ќе говорам за медиумите поконкретно за телевизијата и нејзиното неизбежно влијание врз младината но и врз секој човек.Медиумите моментално во овој XXI век претставуваат највлијателен фактор во секојдневието на нас обичните смртници кои мн тешко ја сфаќаме реалната слика за светот и реалноста која секојдневно не опкружува.Живееме во некој имагинарен свет плод на нашите искомплексирани умови.Токму тоа ни го прават медиумите, не приближуваат до некоја точка на реалноста.Да, сфаќам...Но каква помпезност луѓе...Се сами негативности,слушаме за поплави, земјотреси низ светот, случаи на силувања, педофилија...Па кого го интересира ова?Дали размислуваат дека овие работи пред 24часот ги следат и малечки умови кои се како сунѓер впиваат се што ќе им се пласира, слушаат и разни психички болни умови со разни фикс идеи.Жив пример,после масакрот кој се случи во Холандија во некое училиште кога некој Холанѓанец инспириран од некоја видео игра изврши масакр врз голем бр на деца, еден мој другар се заинтересира по секоја цена да ја пронајде таа видео игра.Зарем не гледате што ни пласираат медиумите, ни ги сервираат на тацна работите на кои не треба ни да помислиме.Гледам се повеќе насилства во медиумите, а се помалку едукативни емисии.Чист пример се ТВ сериите.Се поголем е бројот на серии со насилства,грозни убиства, крвопролевања..Зошто не се емитуваат се повеќе хумористични серии кои се апсолутен хит во светот?Дали всушност ние народот им придаваме толку големо значение на таквите серии, полни со фрустрации и неконтролиран гнев?Додека сме кај сериите,сега најактуелни се турските серии.Им го знаеме и почетокот и крајот.Се запознаваат,се сакаат, заедно се, едниот се разболува, оздравува, другиот го изневерува,на крај пак се заедно и среќно си живеат бла бла бла.Кога на нешто му го знаеш и почетокот и крајот ќе ти биде возбудливо?Ни малце.Не велам не,блиски се до нашиот менталитет, но ова е премногу, на кој канал да свртиш, гледаш дека Кога лисјата паѓаат, Величенствениот седи Под сенката на врбите или Ифет станала Малечката невеста...Банални ми се веќе.Па мислам јасно ви е, нема шанси да ги допаметиш.Поконкретно би сакала да кажам за една од најактуелните серии моментално кај нас Долина на волците која искрено мене ми е многу одбивна.Но стана апсолутен хит, се печатат и маици и тетратки со нив,па што не друго.А знаете кој најмногу се “пали” на нив?Децата!За жал..Има некоја психологија во самата серија но најтрагично е што никој не обрнува внимание на тоа децава ги интересира само оној грознион дел со убиства,пукања, кршење на вратови,крвопролевања..Го гледам брат ми,серијава ја следи со толкаво внимание што е чудо едно.И после тоа цел ден прави пау пау низ дома со пиштолите на вода во рака.Кажете ми што може едно 5,6,10 годишно дете да научи од сето ова.Не дај боже да се навратам на шпанските серии кои одреден период ги оборуваа сите рекорди на гледаност.Од нив научивме многу раб.Научивме дека на крај човек може и сам на себе да си испедне татко.Научивме дека не е срамота да се мами, да се изневерува, дека сексот не е љубов туку само предмет на манипулација меѓу луѓето.Исто така научивме и дека кога нема да можеме да си го задржиме дечкото или мажот да го излажиме дека сме бремени, а во меѓувреме да забремениме од неговиот најдобар пријател..страшно, какви сознанија :/ За цртаните, и тие веќе не се тоа што беа.Каде се оние цртани за кои ни раскажуваат родителите со сјај во очите, каде е Бранко коцкица, па каде се оние цртани од поблиското минато како Штрумфовите?Или едноставно ваквите содржајни цртани повеќе не носат пари?Сега ги имаме Нинџа желки, Телетабиси..Глупости.Едните живеат во канализација и пропагираат насилство во секој случај, а другиве пак нон стоп се удираат со стомаците и скокаат во некоја си дупка и тоа им причинува задоволство.Дури родителите се побунија дека бил создаден и геј лик, т.е. геј телетабис кој го декларираат како машко а носи црвена женска ташна, о боже со што се занимаваат луѓево.Демек тоа лошо влијаело на нивните деца.Ами тоа останатото со што целосно им го затупуваат мозокот на децава, тоа не е важно така?Целта ми беше која е поуката која може да ја извадиме од овие цртани?Каде е овде онаа едукација која постојано се пропагира на бесплатните владини реклами.Знаењето е сила, знаењето е моќ!Замисли си :-P Зборувам лично во свое име, тотално сум разочарана од она што почнаа да го претставуваат медиумите кај нас.Ретки се, многу се ретки оние канали кои што навистина содржат интересни содржини и едукативни работи како Discovery.Но исто така знам и дека ретки се оние кои што вртејќи по каналите ќе застанат баш на овој канал.Всушност нема ни да стигнат до него, претходно ќе наидат на Pinc, ќе ја видат Сека Алексич полугола, па нормално дека тука ќе застанат.Тоа беше она што не интересира,глупоста,кичот,голотијата,секој вид на неморално однесување, и зошто?Поради слава и пари и ништо друго.Штета, штета што растеме во вакво општество во вакви средини, штета и за наредните генерации, нема што да им оставиме.Вака не се градат личности, цврсти личности кои ќе знаат што сакаат во животот.Вака само создаваме искомплексирани и исфрустрирани ликови кои се водат под влијание на туѓи мислења и ставови.Овој начин на живот не може да се измени преку ноќ, свесна сум за тоа.Но е во постепена тенденција кон постепено изменување на начинот на кој медиумите ги презентираат информациите.Чисто за да престанеме да живееме во магла!
