Љубовна поезија

[Cernodrimski]

Септември





Ќе ги насликам твоите чувства
Не сум сликар добар но боите ќе ми помогнат
Јасно ќе се видат колку се различни од другите
Ако е самотија твоја ни на една друга е личи
Ако е радост твоја ни на една друга не личи
Ако е тага ни на една друга не личи
Бескрајни црти ќе повлечам на платното
И така границите помеѓу нив ќе ги означам
Некаде во некој агол од сликата
Книгите ќе ги поставам
Што ги читаш така внимателно и со занес
Сништата твои како месечина одозгора ќе биде
Големо е платното за сликата моја
Имам знаеш една цела вечност пред мене за да работам
Знам многу многу за тебе драга моја
Знам дека имаш сила како орканите
Знам дека во чекорите ти одекнуваат вековите
Некој помоќен од нас многу ставил во тебе
Се смееш,се радуваш,јас заносно сликам
И кога се лутиш некаде во крајот на усните
Ти се огледува насмевката
Сликам и знам како сликата ќе ја именувам
Име ќе и дадам
Септември ќе се вика
Малку тажна со златни бои
Многу весела со лисјата разиграни

 

[Cernodrimski]

Ѕвонливи Молитви

Се креваат внебеса ѕвонливи молитви
липаат своја тага далечни земји
тоа е песна за мојата крвава душа

Ветерот ми цеди од очите солзи
во гората завива волк или волчица,сеедно ми е
останувам да се скаменувам под белата прекривка

им го слушам молкот на луѓето
наоколу испаруваат соништата на мојата младост
го нема веќе таму моето име

Од мојата крв цедам мелем за тагата
магиско вино за чудотворци
должен сум да го вратам времето барем еден ден

се молам во ова сказание да не сум веќе
роден како магла во магла
како ноќ во сенишна ноќ
празнина во празнина кои некои го викаат живот.

 

[Electra]

Ванаби Хаику може?

И толку беше,
Сакаше, траеше и
На крај се посра.

 

[lady_blue]

кога денот е наш

не прашувај што мислам
додека така топло ме гледаш в’очи
не би успеала да ти кажам
зашто и после толку време
пред тебе го губам гласот
.
ама можам да те бакнам
.
не прашувај што мислам
и така додека ме гледаш в’очи
само сакам да те бакнам
.
и можам

 

[Praetorian]

Јас те сакам бидејќи го сакам начинот на кој што ти ме сакаш.
Ти ме сакаш бидејќи го сакаш начинот на кој што јас те сакам тебе.

 

[Nighty]

Подај ми рака...

...и следи ме.

-Каде?

-Во непознатото, зарем важно ли е? Се’ додека ја имам твојата рака...

-Но мене ми е важно, потребна ми е сигурност!

-Те држам до себе, има ли поголема сигурност од тоа?

-Не, не, не ме разбираш! Верувам дека ме штитиш од околината, од надворешниот свет, но потребна ми е поинаква сигурност, поинаква заштита.

-Поинаква заштита? Љубов, го имаме светот на дланка, од што сакаш заштита!?

-Од тебе...

 

[Bibi@]

Подај ми рака...

...и следи ме.

-Каде?

-Во непознатото, зарем важно ли е? Се’ додека ја имам твојата рака...

-Но мене ми е важно, потребна ми е сигурност!

-Те држам до себе, има ли поголема сигурност од тоа?

-Не, не, не ме разбираш! Верувам дека ме штитиш од околината, од надворешниот свет, но потребна ми е поинаква сигурност, поинаква заштита.

-Поинаква заштита? Љубов, го имаме светот на дланка, од што сакаш заштита!?

-Од тебе...

Прекрасно...

 

[romanticna]

Немам многу да дадам...
само малку душа и полна дланка љубов...
можеби малку сонови, исткаени од ѕвезди...
понекогаш црвена ружа, усни со вкус на вино
и можеби, само можеби...
допир на вечноста...

 

[lady_blue]

.
налик на силна бура
која си посакувал да ја доживееш
без страв дека нема да ја преживееш
.
налик на волшебна песна
која си посакувал да испееш
без страв дека после неа ќе ги изгубиш нотите
.
налик на Небо во црвена боја
под кое си посакувал да заспиеш
без страв дека во сонот ќе ги заборавиш боите
.
налик на сѐ волшебно
што си посакувал да почувствуваш
без страв дека чувствата, еднаш одамна те заборавиле
.
поинаква ти е и песната во очите
но, не умеам да насликам музика
која наликува на лелеав сон
.
.

 

[Trouble]

Љубовта...​

Воздишки од треперења,
растреперен пулс,
немирно срце,
скокотлива радост...

Таква е љубовта...

Нежни прегратки,
беспрекорни допири,
безгрешни удоволовувања,
љубовна искра што тлее...

Таква е љубовта...

Детска солзаа
исплакана врз растурена постела.
Нем крик во рано утро,
толку чиста и невина...

Таква е љубовта...

Безконечни апстракции
со конкретна моќ,
со силина и душа
како чувствата во мене...

Е таква е љубовта...
И само сакам...
Само сакам да остане како таква... ​