Раскази - Хумор и Сатира

[Grupa Seirdzii]

АКО ЛАЖИ АФОРИЗМОТ, ЛАЖИ И ВИСТИНАТА

ЖИЧАНИТЕ ИНСТРУМЕНТИ МОЖАТ ДА РАСКАЖAT МНОГУЗА СВОЈАТА ИСТОРИЈА.
ГУДАЛОТО МОЖИ ДА РАСКАЖУВА САМО ЗА КОЊСКИ ТРКИ.

И ПОКРАЈ ТЕЖИНАТА И ОБЕМНОСТА НА МУЗИЧКОТО ДЕЛО,
ПУЛТОВИТЕ ДО КРАЈ ОСТАНАА ПРОСТУМ.

ЛИЧНАТА КАРТА СЕ ЖАЛИ КАЈ УМЕТНИЧКИОТ ПОРТРЕТ:
УШТЕ МАЛКУ И ЌЕ МИ ИЗВРВИ РОКОТ НА ТРАЕЊЕ, А ТЕБЕ?

И ПОКРАЈ ВРЕМЕНСКИТЕ УСЛОВИ, „ЧЕТИРИТЕ ГОДИШНИ ВРЕМИЊА“ ОД ВИВАЛДИ
ОСТАНУВААТ БЕЗ ВИДНИ ПРОМЕНИ - СООПШТИЈА КЛИМАТОЛОЗИТЕ.

КОСМОСОТ Е ПРОИЗВОД НА АПСОЛУТНА ХАРМОНИЈА.
ЧОВЕКОТ ПРОИЗВЕДЕ МУЗИЧКА ХАРМОНИЈА И САКА ДА ПРАВИ КОСМОС.

МАЕСТРОТО ДРЖИ ДИРИГЕНТСКА ПАЛКА.
И ТИРАНИНОТ ДРЖИ ПАЛКА,
САМО ШТО НЕГОВИТЕ ХОРИСТИ НЕСМЕАТ УСТА ДА ОТВОРАТ.

МОЈАТА НОВА ЉУБОВ БЕШЕ КАКО ФИЛМСКА РОМАНСА.
ПОТОА СЛЕДЕШЕ РИМЕЈК.
МОЈАТА ЖЕНА СНИМИ ПОРНИЧ ЗА НЕЈЗИНИТЕ РОМАНСИ.

ОНА ШТО Е ЦЕЛ НА МУЗИКАТА НЕ Е ВАШИОТ СЛУХ – ВАШАТА ГЛУВОНЕМА ФАНТАЗИЈА.

ВО НАШАТА ЕСТРАДНА И ФОЛК МУЗИКА НЕМА ТОП ЛИСТИ.
ИМА ЛИСТИ НА ЧЕКАЊЕ ЗА СУБВЕНЦИИ ЗА ЗЕМЈОДЕЛЦИ, МУЗИКАНТИ, СИРОМАСИ...

ЛАИКОТ И ВО НАСЛИКАНИОТ ПЕЈСАЖ ЌЕ ПРЕПОЗНАЕ РАЗГЛЕДНИЦА.
САМО ШТО И ФАЛИ ПОШТЕНСКА МАРКА.

КОГА ЛАИК ЗА УМЕТНИЧКА СЛИКА ЌЕ ДАДЕ АСТРОНОМСКА СУМА,
ВРЕДНОСТА И ЈА ПРОЦЕНУВА ПО ТОА КОЛКУ ГО ЧИНИ ПО КВАДРАТЕН САНТИМЕТАР.

ЛАИКОТ ЌЕ РЕЧЕ ДЕКА ПОСТОИ САМО ДОБРА И ЛОША МУЗИКА.
СЛУША САМО ЛОША.

И ЗА ОНА ШТО ПОЕТОТ ВО СВОЈАТА ПОЕТСКА ЗБИРКА САКАЛ ДА ГО КАЖИ,
СЕКОЈПАТ ЌЕ СЕ НАЈДАТ КОДОШИ.

МНОГУПАТИ Е НАЈАВЕНА СМРТ НА МУЗИКАТА.
ТОА ЌЕ ЗВУЧИ КАКО ПОСМРТЕН МАРШ ЗА ЧОВЕКОТ.

СМРТТА И МУЗИКАТА ИМААТ НЕШТО ЗАЕДНИЧКО.
ЌЕ ГИ ЧУЕШ, НО ВЕЌЕ СТАСАЛЕ.

КОГА СО ВРВНО УМЕТНИЧКО МАЈСТОРСТВО СЕ САКА ДА СЕ ПРИКРИЈАТ МАНИТЕ НА ЕДНО ЛИКОВНО ДЕЛО –
СЕ ПРАВИ ФАЛСИФИКАТ.

СЕ РАЃА НОВ УМЕТНИЧКИ ПРАВЕЦ.
ПОВТОРНО НЕШТО НОВО ОД МИНАТОТО.

КИЧОТ Е ПЛАСТИФИЦИРАНА МАТЕРИЈА.
СЕ ТОПИ ПРИ СЕКОЈ УМЕТНИЧКИ ПЛАМЕН ВО ДУШАТА.

УБАВОТО ВО УМЕТНОСТА МОРА ДА ИМА ЧОВЕЧКИ ЛИК.
ИНАКУ СО ШТО ЧОВЕКОТ БИ ЈА СПОРЕДИЛ СВОЈАТА ГРДА СЛИКА.

 

[Grupa Seirdzii]

ПРИЛЕПЕ (НЕ)СРЕЌО МОЈА

На зидовите од твојот градски саат, испишан е афоризмот на афоризмите.
„Не радувајсе на моето отчукување – ти врви времето“.
Афоризам или народна мудрост, или – „критика на замајтапениот ум“.
Во чување на сопственото битие – ја воздигнав горделивоста на нашиот примитивизам.
Се накитив со твоите перја – таман колку среќата некаде да ми одлета.
Така ни било пишано – дали некој го видел тој ракопис, или ние се загубивме некаде меѓу редови.

Колку културата пушта гранки нагоре – толку традицијата пушта корење надолу.
Маалска филозофија: оговарањето е мелем за душата - тешко оној што ќе го подбере чаршијата.
Преовладува култура на толеранција - со локални манири на зафрканција.
Че речиш „благодарам“ - че ти го спуштат: „да ти го подарам“.
„Зошто во Прилеп мајмун не игра“ ? – прашуваат само оние кои сеуште не се симнати од дрво.
Прилепски мајтап муабети – со каменот на мудроста чукнати по глава.

Панаѓурите и културата имаат идентични вредности – се за едно евро.
На народот му нудат леб и игри – си игра со лебот и е(ксик)гзистенцијата.
Пивофест се слави – реалноста се пенави.
Маскембал се прави на прочка – симнете ги лицемерните маски ако сакате да ви простиме.
Театарските игри си траат, театралноста стана наше секојдневие -
на сцената се молчи, завесите се спуштени, дијалогот е уплашено шепотење, само мртвите (ликови) се смеат.
Уметност или спектакал - безкорисноста е форма на циркусот.


Станавме жртва на Гинис – рекордите не удрија по глава.
Направивме рекорден број на сармички – дома си ги броиме залаците.
Растурени или смотани – и народот и сармите лесно се варат.
Од сторена зелка глава не бидува – ем кастрена, ем солена-недосолена.
Народе, натупај се грав и сарми – од прдеж промаја не бидува, велат.
Се научивме да виткаме сарми – сега не учат да ја виткаме кичмата, вистината, достоинството...

Градскиот саат-кула и минарето од џамијата, легендите за инаетот, стојат еден до друг –
не не’ поделија тогаш, не делат сега.
Пред историјата застана со ширум отворени порти –
ги затвори со неколку митолошки прикаски, се друго те одмина.
Овдека пукна првата пушка; и сега се пука, ако не во нивните, во нашите –
од ваквите пукотници одличјето на градот херој веќе темнее.
Го разубавивме центарот на градо - окото сјае, окулу окото сето брчки.
Ни ветија, ќе не извлечат од кризата – откако ние ќе се фатиме салам за низата, тутун, зар шо дриго.
Градот од секогаш бил провинција – сега се промовира во провинција за секогаш.

Го баталив светот. Ако ги ублажиш моите попатни страдања, ако го охрабриш моето срце кое понекогаш паѓа во очај,
нема да ми биди жал што останав занавек тука: тоа ќе ми биде нај убавата награда – Прилепе (не)среќо моја.

 

[Grupa Seirdzii]

(НЕ) ЗДРАВА ИСХРАНА

Ме воодушеви идејата за едукација на нашето население за здрава исхрана. Сигурен сум дека 99% од нашите граѓани не знаат што е тоа. Во земја во која неизменично преовладува медитеранска и континентална клима навистина e чудно луѓето да не знаат што се пиперки, домати, краставици, зелки, кромид, лук и останатиот зарзават кој никне на нашата почва. Добро е штом некој се сетил и тоа да им го кажи. А, што друго освем зеленчук и овошје луѓето овдека јадат. Па, јадат трици и празна слама од ветувања за подобар живот,висок стандард, сигурна иднина, храна со која се подхранува надежта и сити умот. Ако сакал некој да ги спаси своите граѓани од ваков вид исхрана, тогаша секоја му чест. А дотогаш нашите луѓе и понатаму ќе си јадат гравче тавче, толчени пиперки, течна манџа, пржено, дробено, мрсничко, посничко, и останатите чорбалаци од нашата разноврсна и вкусна гастрономија. Но, тоа некому не изгледа доволно здраво.

Статистиките велат дека овдека никојпат толку не се боледувало и умирало како сега. Како виновник се посочува неправилниот начин на исхрана и нездравите животни навики. Не е јасно дали кампањата се води луѓето повеќе да гладуваат отколку што гладуваат, или повеќе да јадат отколку што сега имаат што да јадат. Трката за гола егзистенција и немаштијата, еколошки загадената средина, прехрамбената индустрија која од храната прави отров, се’ се тоа веќе познати фактори кои определбата за здрав начин на живот ја прават невозможна. Стремежот на младите генерации да се биде бек-стеиџ и кул и во какањето и папањето нема ништо заедничко со нашите традиционални кулинарски навики и вредности. Заради овие и многу други причини кампањата здравјето е избор се сведува на единствениот избор: како кому e’ пишано.

Како послушен и лојален граѓанин на нашата држава со (не)поднослива леснотија и глад се приклучив кон кампањата и почнав да живеам здраво.

Трчам, ама кога бегам.
Се хранам здраво, ама голтам и јад и бес.
Се чувам од стрес, ама се тресам од страв.
Не пушам, ама вдишувам смог.
Размислувам позитивно, делувам негативно.
Здравјето навреме го превенирам. „Ало, докторе“, коклу е тоа митото.
Смеата е корисна за здравјето, киселата насмевка за цинизмот.
Хигиената е половина здравје, за менталната хигиена немам можности.
Дигам тегови, да можам да го крепам товарот на животот.

Станав и редовен посетител на продавници за здрава храна. Формулата за дилг и здрав живот е таму, гласи слоганот. И почнав да собирам (тргајќи од фактот дека просечниот животен век за мажи во нашата земја е 72. години). Ако консумирам ладно цедено маслиново масло животот ќе ми се продолжи за шест години. Користењето на тиква и семки од тиква го продолжува животот за пет години. Зеленчукот со зелени и жолти листови го продолжуваат животот за седум, а црвени и сини листови за четири години. Јаткастите плодови за вкупно шест години, а овошјето за десет години. Ако се откажам од месото и месните производи ќе живеам подолго цели дванаесет години, а од млечните производи за десет години. Со откажувањето од белиот леб и користењето на црн леб ќе спечалам уште девет години од животот.

И тука застанав. Престанав да бројам оти бројките се искачија на век, век и половина, што ми изгледаше застрашувачки. Ако пак се одлучам да вегетирам приклучен на климо уред, кој знае уште колку ќе живеам. Крајната опција е да ме балсамираат.

И од многу здравје боли главата. Јапонскиот министер за пензиско и здравствено осигурување се прочу со својата морбидна изјава кога јавно побара од иљадниците свои сограѓани стогодишници, кои својата долговечност ја должат токму на здравиот начин на исхрана, што побргу да умрат како би го растеретиле пензискиот фонд.

Фала му на Господ, такви проблеми кај нас нема. Било заради таксиратите од кои си страдаме и заради кои на онај свет се заминува многу порано, било заради патриотскиот допринос кон својата татковина да не ја изложуваме на големи трошоци, на ум ми доаѓа помислата сега да легнам и да си умрам.

Умри машки, умри здраво – гладувај до смрт.

 

[Grupa Seirdzii]

ХАИКУ

Падната сенка
се лизга врз плочест гроб.
Нечија душа.

Само валање.
Чумки старица мрмла.
Каменот мелник.

Весел поздрав.
Страшилото ми мавта.
Партал му се веј.

Таинствен шепот.
Лист и мртвото тело.
Пак да се родат.

Росата в’зори
се прели во сончев зрак.
Пупката во цут.

Полн род со цреши.
Ги чува зид од трње.
Своина нивна.

Пеперуга и цвет
шара врз шара везат
развиделина.

Празновидна магла.
Саѓав неодреден мрак.
Денот се сокри.

Небесна црта
остави траг од звезда
во предсмртен пад.

Муртаво време.
Утре и вчера се сон.
Денес е дождот.

Снегулки пластат.
Нигде траг од одот мој.
Само здив смрзнат.

Мирис од кафе
и мирис од усни ги
обои кармин.

Јасникот студен
сончев зрак фаќа в’зори.
Си топли осој.

Ветрецот шири
мирис на топла корка.
Се печи лебец.

Жабецот крастав
во принц си се маскирал.
В’ жабарник смеа.

Малото прасе
во кал со рилка рие.
Си мие лице.

Штурци и свирци.
Бубамари ко ноти.
Музичко школо.

Клавирот свири.
Капакот одеднаш: трас !?
Дете пак згреши.

Старец и огниште.
Спомени в’душа жари.
Разгрева пламен.

Старец со бастун.
Дождец. Бастунот ита,
старецот едвај.

Музика без звук.
Песни без воведна реч.
Слики без рамки.
Стојам пред уметност на
карпа во безимен век.

Каде тајната
се крие: за просторот
пред времето, за
големиот пресок, и
семоќниот бозон - Бог.

Горе длабоко,
долу високо, среде,
бунар виси, сув.
Парички до самти врв,
полн таинствени желби.

Сламки и мравки
се влечат по пат во прав.
Ги дувна ветрец.

Во стрмоглав лет
сокол врз фазан слета.
Време за ручек.

Глупост и лудост
ме чека во мај, видов –
хороскопот мој.

Љубовна клупа.
Девојка плачи. Дечко,
свртен со грб, лут.

Врежани букви.
Завет за вечна љубов.
А веќе бледат.

Село Полчиште –
празно, пусто. Пес шугав
болви си треби.

Манастир Зрзе.
Нагорнина. Стрниште
од безброј стапки.

Зимско дувло.
Мечок се тргна од сон.
Претрча срна.

Месечев одсјај
во водени кругови
насмевка шири.

Се сепне шума.
Пресок од истрел кобен.
Еленот рогат.

Нека, хаику,
нека биди песната
што толку боли.

 

[Grupa Seirdzii]

АКО ЛАЖИ АФОРИЗМОТ ЛАЖИ И ВИСТИНАТА

ВО ОГЛЕДАЛОТО НЕ СУМ ЈАС. ТОА Е ОНАЈ ШТО СТАРЕЕ.

ОД ОГЛЕДАЛОТО НЕ ОЧЕКУВАЈТЕ СОЧУСТВО.
ШТО ЗНАЕ ТОА ШТО СЕ БОРИ.

ТРЕТО ДОБА Е КАКО ЖИВО(ЖАБО)ТВОРЕН ЗАЛЕТ.
ЌЕ ЛЕТНИШ, АМА ЌЕ ТРЕСНИШ.

ЌЕ БИДАМ ЛУСТРИРАН. ГО КОДОШЕВ МОЕТО ТРЕТО ДОБА.
ЌЕ МИ ЈА ОДЗЕМАТ И ПОСЛЕДНАТА ВИСОКО СТОЕЧКА ФУНКЦИЈА.

ВО ТРКА СО ЖИВОТОТ НА МРТВИОТ ПОБЕДНИК НИКОЈ НЕМА ШТО ЌЕ МУ ЈА ПОДИГНИ РАКАТА.

СЕКОЈ ЕПИТАФ КАКО НАДГРОБЕН НАПИС,
И АКО ПРЕНЕСУВА НЕКАКВА ЖИВОТНА ФИЛОЗОФИЈА,
ОД ПЛОЧАТА НЕ ПРАВИ ФИЛОЗОФ.

2.7. И ГО СОЗДАДЕ ГОСПОД БОГ ЧОВЕКОТ ОД ПРАВ,
БРЗАЈЌИ ДОДЕКА НЕ ЈА ИЗМИСЛИ ПРАВОСМУКАЛКАТА,
И МУ ДУВНА ... И Т.Н.

ВО ЖИВОТОТ ОДРАБОТИВ МНОГУ.
ТОЛКУ МНОГИ ШТО СЕГА ОСТАНА УШТЕ НЕКОЈ ДРУГ ЗА МЕНЕ ДА
ОДРАБОТИ СО ЛОПАТА.

ГО ПРЕГАЗИ ЖИВОТОТ, И ТОА НА ПЕШАЧКИ.
ГИ ПРЕМИНА СИТЕ ЛИНИИ.

ЖИВОТНИТЕ ПАТИШТА ЧЕСТО СЕ ТРНЛИВИ,
НО, И БОЦКИТЕ ЧЕСТО СЕ ТИЕ ШТО ТРАСИРААТ ПАТИШТА.

КОГА ЖИВОТОТ УДИРА БОЛКАТА СТАНУВА ПОВЕЌЕ ПОДНОСЛИВА
АКО ТОА ГО ПРИМИМЕ КАКО ДАР КОЈ СМЕ ГИ ЗАСЛУЖИЛЕ.

ВО БРАКОТ НЕ ПОСТОИ НИ РОБ НИ ГОСПОДАР.
СИТЕ СЕ УГНЕТЕНИ УГНЕТУВАЧИ.

КОГА НА ЖЕНАТА ЌЕ И СВЕТНАТ НЕКОИ СИЈАЛИЧКИ ВО ГЛАВАТА,
ЈАС ИЗИГРАВАМ БАНДЕРА.
ЖИ(В)ЦИ КИНАМ.

ОТКАКО НА ЖЕНАТА ЌЕ И СЕ НАПОЛНИ ГЛАВАТА СО КОМПЛЕМЕНТИ,
ПОСЛЕ СЕ ПРАЗНАТ БАНКОМАТИ.

НЕ БИДИ САМО НЕЈЗИН СОПРУГ. БИДИ И ЉУБОВНИК !?
НАМЕСТО ДА СЕ РАСФРЛА СО РОМАНТИЧНИ ИДИЛИ ПРЕД ТУРСКИТЕ СЕРИИ.

КОГА ВО ЉУБОВНАТА ПОСТЕЛА ЌЕ СЕ ВОВРЕ ЈОРГАН ПОЛИТИКАТА,
СЕКСУАЛНАТА ТЕХНИКА СТАНУВА МАШИНА ЗА ПЕРЕЊЕ ПАРИ.

ВО БРАКОТ ТРЕБА ДА СЕ ДЕЛИ СЕ , ПА И СРЕЌАТА.
И ТАА Е ПОЛОВИЧНА.

ШТО ТИ Е ИНТЕРНЕТОТ.
ДУРИ НИ МАЈКАТА ГО НЕМА ВИДЕНО СВОЕТО НОВОРОДЕНО БЕБЕ,
ТОА ВЕЌЕ СЕ НАШЛО НА ФЕИЗБУК.

КАКО ХУМОРИСТА ЌЕ ПРЕСТАНАМ ДА СЕ ПОДСМЕВАМ НА СВОЈА СМЕТКА.
ДА НЕ ГИ НАВРЕДАМ ОНИЕ КОИ ГИ ИМИТИРАМ.

НА СИТЕ ИМ ЈА ЧЕСТИТАМ НОВАТА ГОДИНА,
СО ЖЕЛБА ЗА ГОЛЕМ БРОЈ ЧЕСНИ АФОРИЗМИ
ВО КОИ СЕКОЈ ЌЕ ИМА СВОЕ ЧЕСНО МЕСТО.

 

[Grupa Seirdzii]

АКО ЛАЖИ АФОРИЗМОТ ЛАЖИ И ВИСТИНАТА

ОД ГОЛЕМОТО УВО НА КОСМОСОТ
ДОЗНАВМЕ САМО ЗА ГОЛЕМИТЕ УШИ СО КОИ СЕ ПРИСЛУШКУВА ЦЕЛА ПЛАНЕТА.

СО СЕКОЈ НОВ АРХЕОЛОШКИ ЛОКАЛИТЕТ СЕ СИМИНАМЕ ЕДЕН КРУГ ПОДОЛУ.
ТАМУ Е СОНЦЕТО.

ЗАРАДИ НАШЕТО МИНАТО И ИДНИНА,
КОИ ЛИЧАТ НА БЛИСКА СРЕДБА ОД ТРЕТА ВРСТА, СЕГАШНОСТА НИ СТАНА БЕЗ ВРСКА.

ОТОМАНИТЕ НЕ СЕ МЕШАЛЕ ВО НАШИТЕ ОБИЧАИ И ВЕРА.
ЗА ДА МОЖИМЕ ДА СЕ ЧУДИМЕ И КРСТИМЕ ПЕТ ВЕКОВИ.

СЕКОЈА ВОЈНА Е ПРАВЕДНА.
ОТКАКО ДВЕТЕ СТРАНИ ЌЕ ПРЕБРОЈАТ ПОДЕДНАКОВ БРОЈ НА ЖРТВИ.

СОСТОЈБАТА НИ Е НОРМАЛНА ПО ЛИНИЈА НА СЛАБ ОТПОР.

КОГА НАРОДОТ Е ЗАВИТКАН ВО ЦРН ХУМОР,
СМЕАТА Е МРТВА.

ВО БРАТОУБИСТВЕНИТЕ ВОЈНИ ПОБЕДНИК Е ОНАЈ КОЈ ЌЕ УБИЕ ПОВЕЌЕ СВОИ.

НА ПРИВИЛЕГИРАНИТЕ НЕ ИМ ТРЕБА ДЕМОКРАТИЈА.
НЕ САКААТ НИШТО ОД ОНА ШТО ИМ ПРИПАЃА НА СИТЕ ОСТАНАТИ.

МАКЕДОНИЈА ИМА ПОВЕЌЕ ГРАНИЦИ, НО САМО ЕДЕН ПРЕМИН.
ПОМЕЃУ ОРИЕНТОТ И ЗАПАДОТ.

ПОМЕЃУ ПОМАЛОТО И ПОГОЛЕМОТО ЗЛО,
ВЛАСТА СО ПРВИ 100 ДЕНА САМО ЈА ПОТПОЛНУВА ДУПКАТА.

СИТЕ КАНДИДАТИ СЕ ПРИЈАВИЈА ПРЕКУ РОДНИНСКИ ВРСКИ.
ДА СЕ ВИДИ КОЈ КАНДИДАТ НАЈ ПОВЕЌЕ ОДГОВАРА ЗА МИНИСТЕР ЗА ВРСКИ.

НЕМА ДА ВИ СЕ ОСВЕТАМ СО КРВНА ОСВЕТА ЗАРАДИ ОДЗЕМЕНИОТ ЖИВОТ НА МОЈОТ СИН.
ДАЈТЕ МИ ЕДНО ВАШЕ ДЕТЕ ДА ГО ОДГЛЕДАМ.

НИКАКО ДА ГИ ПРЕВОСПИТАМ МОИТЕ РОДИТЕЛИ.
НЕ ПОМАГААТ НИКАКВИ ВОСПИТНИ МЕРКИ.
НИТУ ЌОТЕКОТ ШТО ГО КРКАМ.

ИЗГЛЕДОТ НЕ И БЕШЕ ВАЖЕН.
ЧОВЕК ШТО ИМА ПАРИ НЕ МОЖИ ДА БИДИ ГРД.

АКО НАСМЕВКАТА Е СО СОЛЗИ, ПУШТИ ГИ НЕКА РОНАТ.
ТОА Е СРЕЌА ВО ТЕЧНА СОСТОЈБА.

САМОУБИЕЦОТ СЕ ОТКАЖА ОД СВОИТЕ НАМЕРИ.
ЈАЖЕТО МУ ДОСИГНА ДО ПОДОТ.

ЗА ДА НЕ ОСТАВИ ТРАГИ НА МЕСТОТО НА ЗЛОЧИНОТ,
САМОУБИЕЦОТ ПРЕЗЕДЕ МЕРКИ ДА ВИСИ.

ГО ПРИЗНА СВОЈОТ КУКАВИЧЛУК,
НО НЕ ГО ПРЕДАДЕ СВОЈОТ ПСЕВДОНИМ.

НА МАЛА ВРАТА СЕ ВЛЕГУВА СО НАВЕДНАТА ГЛАВА.
ИСПРАВАЊЕТО Е СО ПОНИЗНА ГЛАВА.

ЗЛОТО СИ Е ЗЛО,
НИ ПОМАЛО НИ ПОГОЛЕМО, РЕЧЕ ЃАВОЛОТ.
ТОА Е ВАШ ИЗУМ.

ФУДБАЛСКАТА КАРИЕРА ЈА ЗАВРШИ СО АВТО БИОГРАФИЈА.
НА ТЕРЕН БЕШЕ ПОЗНАТ ПО СВИТЕ АВТО ГОЛОВИ.

ЗГРАБЧИ ГО ДЕНОТ КАКО ДА Е ПОСЛЕДЕН, ЌЕ РЕЧИ МУДРЕЦОТ.
ГЛУПАВИОТ ТОА ГО ОСТАВА ЗА СЕКОЈ НАРЕДЕН.

ТОПКАТА Е ПРЕМНОГУ ПРАЗНОГЛАВА
ЗА ДА ЗНАЕ ДАЛИ НУЛАТА СЕ ТРКАЛА ИЛИ КРУГОТ СЕ ДУЈА.

ДОКТОРОТ ЗЕДЕ ПАРИ, ПАЦИЕНТОТ Е МРТОВ.
МРТОВ КАПИТАЛ.

АФОРИЗМОТ Е КАКО ОТВОРЕН ТЕАТАР.
НИКАКО НЕ ТРПИ ЗАВЕСИ.

 

[Grupa Seirdzii]

ПРИЛЕПЕ (НЕ)СРЕЌО МОЈА

Во берберницата во која се стрижам, по некоја случајност, доаѓа и нашиот градоначалник. Кога да појдам
да ја направам мојата паметна глава уште по паметна, оти коса не трпи, Господинот градоначалник
или веќе седнал на берберската столица да се стрижи или еве ти го после мене. Каква чест, си мислев, многу убаво,
ама да не беа некои јанsи кои почнаа да ме мачат заради недајбоже, па го прашав и берберчето.

- Абе мајсторче, ова градоначалничково место да не се префајча.
- Оти, зошто - збунето праша берберчето.
- Абе кога да дојдам кај тебе во дујчанов, градоначалникот или пред мене седнува на столицава или по мене. Па си велам,
да не ме префати случајно, оти јас сега на овие години допрва градоначалник...не бидува.

Видов невидов, си реков, че одам и че си се проверам. Друго чаре нема.
Фала му на Господ, ми рекоа дека сум бил имун.
Дури и ме утешија.
Гадоначалничката функција и не била толку нездрава работа.

 

[Grupa Seirdzii]

ПРИЛЕПЕ (НЕ)СРЕЌО МОЈА

Смртта на мојот град се случи в’зори
Неговата канализација ја издиши последната смрдеа на векот
Градскиот саат во некое релативно време без датум го отчука крајот
на неговото безличие обезличено со грд прекар
И го означи почетокот на векот на чавките
„Чавките умот му го испиле“ – отсега ќе пишува на зидовите на саат кулата

Онај град што го црташе Аче беше велеград
Црташе на бели облаци
и ги покри сите времиња и простори тука
Авлии кои на цртежите штотуку не се срушиле
Градски маала скицирани со потезите на кистот како слепи улици
Порти на кои белите пукнатини повеќе ја затскриваа одошто ја откриваа
тајната порака на уметникот
И црташе Аче, црташе се додека му снема црн туш во душата
Оти сега темниот асфалт совршено одговара на заткулисните платна

Градските боеми филиграмски ја испишаа поезијата на сеирот
Само калдрмата ги памети големите умови на овој невиден сатирикон
кој произлезе од филозофијата на мајтап муабетите како животен кредо
Ќе има ли среќа некој од нас да стани дел од тие анонимуси
кои легендите ги превртуваа на опаку, а од својата гротеска правеа легенда
Оти сега дојдено e времето на дворски шутеви кои служат само за подбишег

Беше ова само кратка историја од некрологот на градот кој умира
Кој личи на рафт во супермаркет полн со фино наредена роба
од сомнително потекло и нечитлив рок на траење
За моралот од периферија кој државата го легализира
Град во кој кислородот се троши на воздишки за загубениот Рај

А луѓе повеќе немаше
Всушност ги видов, се појавуваа
Ама колку само да вдишат од посакуваната смрдеа која им недостигаше
и пак некаде исчезнуваа

 

[Grupa Seirdzii]

Т’ГА ЗА ЈУГ


ПАРТИСКИ КРИЛА ЈАС ДА СИ МЕТНАМ,

ОД СОБРАНИЕ ДО ВЛАДА ДА СИ ПРЕЛЕТНАМ

НА НАШИ МЕСТА ВО ШАТОРИ ДА ИДАМ,

ДА ВИДАМ ЗАЕВ, БРАНКО ДА ВИДАМ,

ДА ВИДАМ ДАЛИ СОНЦЕТО ТАМУ

МРАЧНО ИЗГРЕВА КАКО И ВАМУ.

 

[Grupa Seirdzii]

АКО ЛАЖИ АФОРИЗМОТ, ЛАЖИ И ВИСТИНАТА

ДО КАДЕ НАЈМНОГУ МОЖИ ДА ОДИ ДЕМОКРАТИЈАТА КАЈ НАС.
ДО КОРДОНОТ ПОЛИЦАЈЦИ.

НИКАКО АФТЕНТИЧНО ДА ГО РАЗБЕРЕМЕ БАРОКОТ.
ЧЕТИРИГЛАСНА ФУГА НЕ Е ИСТО СО ЧЕТИРИКАТНА ФАСАДА.

НАШАТА ЗЕМЈА ДА СЕ ФЕДЕРАЛИЗИРА ?
МА, АЈДЕ!
САМО МЕЃИТЕ ЌЕ ГО ЗАФАТАТ СИОТ ПРОСТОР.

ЛИДЕРИТЕ ДА СЕ ЗАВЗЕМАТ ЗА БАЛКАНОТ БЕЗ ГРАНИЦИ.
ПОМЕЃУ КОРДОНОТ ПОЛИЦАЈЦИ И ВЛАСТА.

ОСНОВНИТЕ МАТЕМАТИЧКИ ОПЕРАЦИИ: ЗБИРАЊЕ, ВАДЕЊЕ, ДЕЛЕЊЕ И МНОЖЕЊЕ,
СО ЗАДОЛЖИТЕЛНАТА МАТЕМАТИКА СТАНАА:
ЗБИРАЊЕ ПО УЛИЦИ, ВАДЕЊЕ ОД ЧАСОВИ, МНОЖЕЊЕ ПРОБЛЕМИ, ДЕЛБИ.

НАШАТА ПОЛИТИКА Е ПАГАНСКА.
ПРЕМНОГУ НАРОДНИ БОГОВИ И СВЕТИЛИШТА ЗА СПАС НА БОГОВИТЕ.

НЕУТРАЛЕН СТАВ ВО ПОЛИТИКАТА Е ВОЗМОЖЕН КОЛКУ И
НЕУТРАЛЕН СТАВ ВО КАМА СУТРА.

НИКАКО ДА СЕ ДОГОВОРИМЕ КОЈ Е НЕПРИЈАТЕЛОТ ВО НАШАТА БРАТОУБИСТВЕНА ВОЈНА.
ЕДНА ОД СТРАНИТЕ ЌЕ МОРА ДА ПОПУШТИ.

ОД ДРЖАВАТА НАПРАВИЈА ПЕПЕЛ.
АМА И ФЕНИКСОТ НЕ СЕ РЕЃА ОД СЕКАКВИ ПАЛИКУЌИ.

НАШАТА ИСТОРИЈА Е ОБВИЕНА СО КОЖНИ КОРИЦИ.
ВО СИТЕ ПОГЛАВЈА НЕ ДЕРАТ.

ПРОТЕСТАНТИТЕ ПРЕД ВЛАДАТА РАСПНАА ШАТОРСКИ КРИЛА.
НЕМА ДИЛЕМИ КОЈ ТРЕБА ДА ЛЕТА, ПОРАЧА ПОЛИЦИЈАТА.

НИКАДЕ НЕМА БЕЗ ЗАКАЖАН ТЕРМИН.
ТЕРМИН ЗА ДЕМОНСТРАЦИИ, ЗА ИНФОРМАТИВЕН РАЗГОВОР,
СПЕЦИЈАЛИСТ ЗА БУБРЕЗИ.

САМО ВО НАШЕТО СУДСТВО
ФУДБАЛСКИТЕ СУДИИ МОЖАТ ДА СИ ДАДАТ АФТО ГОЛ.

ВО БИБЛИЈАТА, МАКЕДОНИЈА Е БЕЗ ДОДАВКА.
ПРЕД ИМЕТО ИЛИ ПО ИМЕТО БЕШЕ ПОТОП.

ЗА АТЕИСТИТЕ, КРСТОТ НЕ Е СЕКОЈПАТ СВРТЕН КОН ИСТОК.
НА ОНАА СТРАНА ОД КАДЕ ШТО БОГОВИТЕ ИМ ЗВОНАТ НА МОБИЛЕН.

КОЛКУ ПОВЕЌЕ ГРАЃАНИТЕ ГИ ДРЖАТ ПАРИТЕ ДОМА А НЕ ВО БАНКА,
ЌЕ ИМА МОЖНОСТИ КРИМИНАЛЦИТЕ ДА ИНВЕСТИРААТ.

МУЗИКАТА УПАТИ ПРОТЕСТНА НОТА ДО НАШИТЕ ЕСТРАДНИ И ФОЛК НОТИ :
ДА СЕ ОТКАЖАТ ОД ГОЛИ ЗАДНИЦИ, СИЛИКОНСКИ ГРАДИ, ВИСОКИ ПОТПЕТИЦИ И ПРЕВРТЕНИ УСТИ.

ОДИМЕ ПО КОНЕЦ.
ВОДИМЕ КРПЕН ЖИВОТ.

ЖИВИ НЕ СЕ СТОРИВМЕ ДА И СЕ ОМИЛИМЕ НА ДОЛГОВЕЧНОСТА.

НЕ ПОДПАЃАМ ПОД ВЛИЈАНИЕ НА ГЛАДТА.
СЕ ОТКАЖАВ ОД АПЕТИТОТ.

ЗЛОЧИНОТ ГО НАПРАВИВ,
НО МЕ ШТИТИ ЗАКОНОТ ЗА АВТОРСКИ ПРАВА.

НА ФЕСТИВАЛОТ ЗА ФИЛМСКА КАМЕРА ОСКАРОТ ГО ДОБИ
КАМЕРАТА ОД СУПЕРМАРКЕТ СО ФИЛМОТ „УКРАДИ ШТО ПОВЕЌЕ“.

НАШИТЕ ЛОКАЛНИ ПОЕТИ И БОЕМИ
И ГОЛЕМИ ЉУБИТЕЛИ НА ЧАШКАТА ФОРМИРАА ГРАЃАНСКО ЗДРУЖЕНИЕ.
ЌЕ СЕ БОРАТ ЗА ПОГОЛЕМ БРОЈ НА ПРОМИЛИ ВО НИВНИТЕ СТИХОВИ.

ЗБОГУМ РУМЕЛИЈА.
СЕПАК, ЧИТАЊЕТО ПРЕД СПИЕЊЕ ПОВЕЌЕ ГО САКАМ.